Bertsos - View details To know more about this section
2017-11-12 Durango Txapelketa [Bertsoa] / Iñaki Apalategi Astigarraga, Jon Maia
Bertsoa entzun |
2017-11-12 Durango Txapelketa [Bertsoa] / Iñaki Apalategi Astigarraga, Jon Maia
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
I. Apalategi:
Erakutsi nahi nizun
erleen kultura
baina guztiek duten
eztenen kontura
dardarka ikusten zaitut
flan baten modura
lasai, erlezaintza da
ez akupuntura. (bis)
J. Maia:
Ikusi det eztenak
daraman tamaina
hurbiltzea bakarrik
da kriston azaña.
Nik Maia abizena
izango det baina
ez det eztia maite
beste harek aina. (bis)
I. Apalategi:
Eta pasatu dezu
denbora guztia
esanez “Nun da espraia?
Kauen la ostia!”.
Laguna badakizu
zergatik eztia
izaten dan dendatan
horren garestia. (bis)
J. Maia:
Baina ez zaidazula
jo orain adarrik
prezioak neretzat
ez du ezer txarrik
konturatu naiz eta
ez da esan beharrik
eztitik daukazula
potean bakarrik. (bis)
I. Apalategi:
Onena egoten da
erlauntzan gordeta
baina ez dezu bertan
jarri nahi arreta.
Benga egin korrika
komunera buelta
liztor asiatiko bat
azaldu da eta. (bis)
J. Maia :
Ze liztor asiatiko
eta ze matraka!
Buzo txuri honekin
ni ere jantzi nau ta
orain konturatu naiz
baina hau da marka
lehenago ere bazinan
nahiko astronauta! (bis)