Bertsos - View details To know more about this section
2018-12-15 Bilbo Txapelketa [Bertsoa] / Nerea Ibarzabal
| Bertsoa entzun |
2018-12-15 Bilbo Txapelketa [Bertsoa] / Nerea Ibarzabal
Stanza name:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Localization:
XDZ - Xenpelar Dokumentazio Zentroa
Telefono dei luze-luze bat
bekokian izerdia
emakume bat oso urduri
ama baita alegia.
Bere semea ja leporaino
kontu txarretan eria
ezaguna alderdia
ta gaia ustelkeria
ta honek prentsan eskeiniko du
atentzio ageria
ta gainera nik eman beharko dut
han aurrean aurpegia. (bis)
Telefonoan bestaldean da
sentitzen dut parez pare
ta izerditan dauzkat eskuak
eta bera horren grabe
"Zer, zer diozu? Eingo al duzu
nire semearen alde?"
Eta ez da nobedade
baietz diot bare-bare
prestatuko dut kasua eta
eingo naiz hitzaren jabe
bestela ere libratuko da
ahaleginik egin gabe. (bis)
Hasi da dena gure gainera
hor kazetari luizia
baina nolabait libratuko da
parean dugun krisia
epaitegira iritsi nahia
eta ezin iritsia
ia bidea itxia
badugu zer ikasia
kazetariak laster egin dit
bere galdera bitxia
burua jeitsi eta neuretzat
gordeko dut iritzia. (bis)