Bertsos - View details To know more about this section
2019-09-28 Zumarraga Txapelketa [Bertsoa] / Nerea Elustondo, Unai Mendizabal
| Bertsoa entzun |
2019-09-28 Zumarraga Txapelketa [Bertsoa] / Nerea Elustondo, Unai Mendizabal
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
U. Mendizabal:
Astelehenian hasi
eta igandera
biok ibili gera
batera-batera
mendi aldera edo
Donosti partera
orain derrigor egin
behar det galdera:
Aizu, Nerea, netaz
aspertu al zera? (bis)
N. Elustondo:
Biok osatzen degu
biko mundiala
batera izan degu
mila martingala
zutaz ez naiz aspertu
horren berehala
badakizu nik asko
maite zaitudala
bikotea nahi det nik
eta ez itzala. (bis)
U. Mendizabal:
Nere laguntza nonbait
zuretzat galera
itzalan gisan beti
bainator atzera
baina egingo dizut
bigarren galdera:
orain nik zeini eman
behaiot ospera
Hertzainakenerako
bigarren sarrera? (bis)
N. Elustondo:
Bakarrik geratu da
eta hau da drama.
Badakizu Hertzainak
gustatzen zaidana
badute talentua
badaukate fama
sarrera bat sobera
ai, Unai, laztana!
Kuadrilakin aspaldi
egin nuen plana. (bis)
U. Mendizabal:
Joe ni gelditu naiz
tontua bezela
bihotza ta aurpegia
daduzkat goibela
uste nuen gu biok
ia bat ginela
eta ez pentsa pena
ematearren dela
uste det txakurrakin
juango naizela. (bis)
N. Elustondo:
Txakurra prest badago
orduan aurrera
baina Euskaldunan nahiko
zaila da sarrera
bakarrik joateko
nonbait gertu zera
eta ondorioa
gutxi gorabehera
batera egon arren
bi bateko gera. (bis)