2022-12-18 Iruñea Txapelketa 11:00 [Bertsoa] / Beñat Gaztelumendi, Maialen Lujanbio

Elkarrekin bazkaltzera joan diren bi lagun zarete. Maialen, Beñatek jaten hasi aurretik plater guztiei argazkia ateratzeko ohitura du. Postrea jaten hasi zaretenean, Beñatek kargu hartu dizu postrea jaten hasi zarelako berak argazkia atera aurretik.

Description

Melody

Orioko balearena

Stanza name

Zortziko txikia (hg) / Lau puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2022-12-18 Iruñea Txapelketa 11:00 [Bertsoa] / Beñat Gaztelumendi, Maialen Lujanbio

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

M. Lujanbio
Bat enkuadre onekin
ta bat mugitua
Instagramen jartzeko
bere predikua
ba bai, jaten hasi naiz
ez da delitua!
Flana irtengo da oso
faborezitua! (bis)

B. Gaztelumendi
Maialen gauza beti
izan da oreka
flana irentsi eta
zenbat gogoeta
patxada pixka’t izan
ezazu tarteka
beti irteten zara
ahoa beteta. (bis)

M. Lujanbio
Ba zuk gauza berbera
Beñat esan ezin!
Ze onak dauden kontatzen
zabiltza hatzekin
herria ta globoa
enteratu dedin
eta probatu ere
ez dituzu egin! (bis)

B. Gaztelumendi
Probatu gabe hala
ipintzen da nota
mobila aterata
argazkiak bota
atsegin dut-ak jaso
ditzadan zientoka
gero gustatzen zaidan
ez dio inporta. (bis)

M. Lujanbio
Eta ni harrituta
geratzen natzaizu
gehien azkeneko hau
gustatuko zaizu
ekarri dute nota
berrehun euro, aizu
atera fotoa ta
pagatu ezazu! (bis)

B. Gaztelumendi
A ze sustoa eman
didan arranoa!
Bi orritako notak
dirudi planoa
berrehun euro faktura?
Hau ez da sanoa
itxaron mugikorra
kargatzera noa. (bis)

BDB Bertsolaritzaren datu-basea

Bertsos - View details To know more about this section