BDB Bertsolaritzaren datu-basea

General information

Kategoria

Bat-batekoa

Performance

2025-01-05 Oiartzun Jaialdia

Conductor

Agirre, Amaia

Bertsolaris / Authors

Arregi Markuleta, Maider

Exercise

Bakarka gaia-emanda

Proposed topic

Batzuetan une, leku eta distantzia jakin batera egoteak begi bat galtzea ekar dezake. Halaxe pasa zitzaion inauterietan nire herriko gazte bati, Xuhar Pazosi. Karga polizial batek distantzia motzera eta zilegi ez den altura batera tiro egiteak atzera bueltarik ez duten ondorioan utzi dizkio lagunartean ondo pasatzera baino joan ez zen Villabonako gazte bati.

Description

Melody

Kontzientzia izaten degu

Stanza name

Hamabiko handia (hg) / Sei puntuko handia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2025-01-05 Oiartzun Jaialdia [Bertsoa] / Maider Arregi Markuleta

Stanza name:  Hamabiko handia (hg) / Sei puntuko handia (ip) 
Localization:  XDZ - Xenpelar Dokumentazio Zentroa 

---

Begi eder bat zartatu zuten
poliziaren boterez
nahiz eta igual ez tiro egin
bertara jotzeko xedez
errelatotan gero ikusten da
makinatxo bat interes
ta nazkatu naiz epelkeriez
ta nazkatu naiz ETBz
segurtasunaz hitz egiten da
baina hori zer da berez?
Indarkeria eurak sortua
izango ez balitz legez.

Beraz begi bat utzia dute
nahikoa modu txarrean
epaitegian ordea euren
alde daude indarrean
eta nahiz eta herritar asko
ari garen marmarrean
polizia bat ipini dute
epailearen aurrean
ta bera libre utziko dute
oin zigortu beharrean
akatsak bando denetan daude
ta zigorrak bakarrean.

Nik horregatik ez dut sinisten
polizien erreforma
kontraesankor egiten zaizkit
polizia eta ona
kontrola baita zapalkuntza bat
badagonaren sintoma
ta horregatik iritsi baita
gure herri zahar hau hona
Xuharren alde ordea sortu
egin dute plataforma
amorru honek hartu dezala
elkartasunaren forma.