BDB Bertsolaritzaren datu-basea

General information

Kategoria

Bat-batekoa

Performance

2025-10-10 Ortzaize Lagun-artekoa

Gai-emailea

Minhondo, Peio

Bertsolaris / Authors

Egaña, Andoni

Iriart, Patxi

Exercise

Binaka gaia-emanda

Proposed topic

Ortzaize zentroan bada Menta liburu denda. Herritarrengandik preziatua da, anitz zerbitzu eskaintzen baititu: liburu salmenta, hitzaldi, kafe, bierak … Andoni Mentan sartu zara eta lekuak xarmaturik irakurketan eta ametsetan hasi zara. Zoko batean da Patxi herritarra bere hamargarren biera bukatzen. Gero eta gehiago edan, gero eta leku gehiago hartzen du Patxik.

Description

Melody

Gizona da zoroa

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2025-10-10 Ortzaize Lagun-artekoa [Bertsoa] / Andoni Egaña, Patxi Iriart

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

A. Egaña
Afalaurrean nengon zorion batean
baina hemen zabiltza lokala betean
eupaka, balantzaka, neri atakean
pakean dagoena uztazu bakean. (bis)

P. Iriart
Hemen trago edaten daramat orena
hemen xahutuko dut nere paga dena
pixka’t pusatu zaite bidean zirena
manatzera banoa hamaikagarrena. (bis)

A. Egaña
Tokia utziko dizut halabeharrean
etorri zara horrein aldarte txarrean
Printze txikia daukat eskuen ahurrean
ta errege potoloa begien aurrean. (bis)

P. Iriart
Zuri ere okertu al zaizu begia?
Ni ez naiz potoloa, ni ez naiz mendia
leku pixka’t hartzen dut, sobera egia
hemen deitu ohi naute Entziklopedia. (bis)

A. Egaña
Edukiagatikan haundiaren sena
entziklopediana ez zen hain zuzena
eleberri bat zara Albert Camusena
eta hain xuxen duzu La peste izena. (bis)

P. Iriart
Kanpotik etorrita etorri da gose
ez dakit Mentak ere behar zaituen ase
Camus ezagutzen dut nik badakit aise
ni La peste* baldin banaiz, zu zira L’Étranger**

A. Egaña
Oraintxe uxatua horreinbeste duda
arrotza ote zinen zen nere jomuga
baina buruz pizkorra, gainera ardura
beste garagardo bat, hau nere kontura! (bis)


* “La pest” ahoskatu du, frantsesez ohi den bezala.
** “Letranxe” ahoskatu du.