2004-12-06 Orio Jaialdia [Bertsoa] / Andoni Egaña, Xabier Silveira

Japonia aldean gazte batzuk elkartu eta kotxe batean suizidatu omen ziren. Internetetik adostu zuten hori dena. Gaur, Andoni, Interneten sartu da, eta Silveiraren gonbidapena jaso du bere buruaz beste egiteko.

Description

Melody

Haurtxo txikia negarrez dago I

Stanza name

Zortziko handia (hg) / Lau puntuko handia (ip)

Localization

Localization: XDZ - Xenpelar Dokumentazio Zentroa
Collection / Fond / Project: Bapatean Bilduma

2004-12-06 Orio Jaialdia [Bertsoa] / Andoni Egaña, Xabier Silveira

Stanza name: Zortziko handia (hg) / Lau puntuko handia (ip)
Localization: XDZ - Xenpelar Dokumentazio Zentroa

A. Egaña:
Internet bidez mintzo natzaizu
gu ez gaude parez pare
kontseju edo hitz labur batzuk
esango ditut hala're.
Zure helburua pentsatu dezu
inungo dudarik gabe;
zeure burua hil nahi al dezu?
Burutik jota al zaude?

X. Silveira:
Burutik jota ote nagoen?
Erantzuna liteke, bai;
zeren neretzat astegun eta
igande beti dira jai;
denbora gehiagoan ez nuke
modu honetan bizi nahi
nere bizitza tabernan galduz
nere heriotzaren zai.

A. Egaña:
Burua berez nahastu al zaizu?
Zer sartu dezu zainetan?
Ideia onik ez det sumatzen
zure buru-mingainetan;
eutsi Xabier! Ezetz aurkitu
berriz heriotz minetan
egun erdi bat pasa ezkero
Lesakan sanferminetan!

X. Silveira:
Sanferminak festa onak dira
San Fermin horren lekuko
horrek ordea ez du daukadan
iritzia aldatuko;
zatoz nerekin suizidatzera
ez lehendik egin uko
apustu ongi irtenez gero
ez zarela damutuko.

A. Egaña:
Dirudienez zeure bidea
tinko dezu aukeratu
baina laguna naizen aldetik
nolatan hor minberatu?
Beste mundurik ez da Silveira
beraz honetan geratu
ta joatea pentsatuz gero
lagunik ez endredatu.

X. Silveira:
Beste mundura aldegin nahian
daramazkit ehun gaba
lo egin gabe ordenagailutik
etxepeko tabernara;
hil gaitezen igual beste mundu
bat ez da baina igual bada
ta ez badago eskutik heldu
eta itzuliko gara.

BDB Bertsolaritzaren datu-basea

Bertsos - View details To know more about this section