Bertsos - View details To know more about this section
1997-09-26 Elgoibar Jaialdia [Bertsoa] / Aitor Mendiluze
| Bertsoa entzun |
1997-09-26 Elgoibar Jaialdia [Bertsoa] / Aitor Mendiluze
Stanza name:
Neurri luzekoak
Localization:
XDZ - Xenpelar Dokumentazio Zentroa
Ene laguna uste zintudan
jatorra eta noblea,
zeuk ere alde ilun triste bat
nunbait zeneukan gordea.
Egin didazun eskeintza ez da
uste bezain dotorea;
emango dit umorea
ta abildade doblea,
hartu ezkero izan ninteke
naizena baino hobea;
hobetuko naiz baina orduan
neu izan gabe ordea. (bis)
Drogak hartzea, hori omen da
egungo gazteen plana;
leku onean gelditu zaigu
ohitura ta iragana!
Geure burua hondatu nahian,
hori gure afana;
lasai hartzen degu dana,
biharamunean lana!
Eskeini dezu ta horrek zerbait
pentsaraztera narama:
zertarako det gaur egitea
bihar ezingo dudana? (bis)
Ez zazu pentsa droga denikan
inorentzako mejora;
ez zazu pentsa drogari esker
iristerik oso gora;
norabaiterantz abitu zera,
ondo jakin gabe nora,
bainan noizbaiten denbora
epailea izango da.
Nik pentsatu det ona ote den
bainan netzat askotxo da;
nik nahiago det naizen bezela
txartxua baina gustora. (bis)