Bertsos - View details   To know more about this section

2001-11-03 Lesaka Txapelketa [Bertsoa] / Ainhoa Agirreazaldegi, Arkaitz Ugartetxea

Bertsoa entzun  

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusia (13. 2001)
Performance
2001-11-03 Lesaka Txapelketa
Gai-emailea
Taberna, Mikel
Bertsolaris / Authors
Agirreazaldegi, Ainhoa
Ugartetxea, Arkaitz
Exercise
Binaka gaia-emanda
Proposed topic
Bi alargun zarete, duela urtebete inguru alargunduak. Igande goizak oso era desberdinean pasatzen dituzue biok. Zu Ainhoa, lagunekin pasiatzera joaten zara. Arkaitz, berriz hilerrira joaten da.

Description

Melody
Espainian behera
Stanza name
Hamarreko txikia (hg) / Bost puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2001-11-03 Lesaka Txapelketa [Bertsoa] / Ainhoa Agirreazaldegi, Arkaitz Ugartetxea

Stanza name:  Hamarreko txikia (hg) / Bost puntuko txikia (ip) 
Localization:  XDZ - Xenpelar Dokumentazio Zentroa 


Agirreazaldegi:
Guztiz lehertu nintzen
aizu, lehenago;
pentsatzen nuen "nire
bizitza akabo!".
Baina alaituz noa
gero ta gehiago,
igandeak pasian
ohi ditut igaro;
senarra hil zen baina
ni bizirik nago! (bis)

Ugartetxea:
Baina azkar ahaztu zaizu
egia esanda;
ez zait asko gustatzen
zure propaganda.
Senarra asko maite dut,
hain ona izan da!
Hilerrira joateko
beti hartzen dut txanda,
ta pozez bueltatzen naiz
muxu bat emanda. (bis)

Agirreazaldegi:
Animoak ez ditut
ahul edo plako;
ederki jantzi eta
irteten naiz bapo;
gaur egin litekeena
ez utzi biharko.
Pozik pasiatzen dut,
aitortu beharko,
senarra nire ondoan
daramadalako. (bis)

Ugartetxea:
Nun ibiliko diren,
hori batek daki,
mundutik urrun hainbat
leku eder izaki!
Muxu ematen diot
han argazki bati;
zuk ondoan daukazu
ta oso ederki;
neri ere bueltatzeko
esaten dit beti. (bis)

Agirreazaldegi:
Senarraren bisita
duzu zuk gurari,
muxua emateko
zure lagun hari.
Nik emango dizkizut
aholku ugari,
hiltzen ari zarela
baitizut nabari:
muxua emaiozu
zeure buruari. (bis)

Ugartetxea:
Nere senarra beti
daukat nik gogoan,
lehen'be beti izaten
bainuen alboan.
Zoritxarrez mundutik
hain urrun zen joan.
Heriotza iristen
bazait hurrengoan,
lurperatu nahi nuke
beraren ondoan. (bis)