Bertsos - View details To know more about this section
2001-11-24 Azpeitia Txapelketa [Bertsoa] / Sustrai Colina, Oihane Enbeita
| Bertsoa entzun |
2001-11-24 Azpeitia Txapelketa [Bertsoa] / Sustrai Colina, Oihane Enbeita
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
Colina:
Hau saldu behar dugu,
ez nago zure zai,
nahiz heriotza izan
gaur gu bion etsai,
hemen jarraitzen dugu
ekin eta jarrai;
etxia salduko dut,
saldu behar dut bai!
Gurasoak hil ziren,
nik ez nuke hil nahi.
O. Enbeita:
Anai-arrebak ginen
ta orain muturka,
printzipioak galdu
etxea galduta.
Erabakia nahiz ta
daukazun hartuta,
zure bihotz txikiak
beldurtuta nauka,
gurasoak saltzeak
etxea salduta.
Colina:
Bizitzak heriotza
dunez ondorio,
hementxe jarri gara
serio-serio.
Nahiz eta ez daukagun
nahiko bozkario,
saldu beharra dago,
ze erremedio,
ia negar egiteak
ez baitu balio!
O. Enbeita:
Malkoa alperrik da
zuk esan duzunez,
nahiz ta irribarrea
ez daukagun errez.
Etxea saldu nahia
utz zazu mesedez,
gurasoak gogoan
betiko izanez,
eurek altxatu zuten
ta guk zergatik ez?
Colina:
Gauza onik ez dago
lagunan hotsean,
dardarra somatzen dut
zure ahotsean.
Saldu beharra dago
azkar hotz-hotzean,
ta aurretik pasatzen
garen bakoitzean,
biak egongo dira
gure bihotzean.
O. Enbeita:
Zure bihotz barnean
daudela, bai zera!
Zergatik joan zara
ai, neba, atzera?
Horrela lur jotzea
posible ote da?
Maiteko bazenitu
neronen antzera,
ez bota teilatua
hilkutxen gainera.