Bertsos - View details To know more about this section
2001-11-24 Azpeitia Txapelketa [Bertsoa] / Arkaitz Goikoetxea, Fredi Paia
| Bertsoa entzun |
2001-11-24 Azpeitia Txapelketa [Bertsoa] / Arkaitz Goikoetxea, Fredi Paia
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
A. Goikoetxea:
Ia erori gera
gu biok gainbehera,
nolabait behar dugu
jarraitu aurrera.
Etxea hemen dugu
hortako aukera,
sal dezagun guzia
lurrekin batera,
edo ez al duzu nahi
hontatik atera?
F. Paya:
Dirua lortu gura
zenuke zuk errez,
arbasoen lotura
suarekin errez.
Aita zeruan dago
begira negarrez;
hemen geldituko naiz,
egin zazu ihes;
zure arima saldu,
baina aitarena ez.
A. Goikoetxea:
Anaia beti legez
dabil egurrean,
nunbait bere arima
galdu beldurrean.
Nik badut konfiantza
dugun apurrean,
aita ta ama ez daude
anaia, hurrean;
guk segi behar dugu
bizitzen lurrean.
F. Paya:
Nahastu nahi zenituzke
aurre ta atzeak,
horretxek sortzen dizkit
barruan trantzeak.
Zutik iraun behar du
aitaren etxeak,
lotsa ez al dizu ematen
etxe hau saltzeak?
Niri lotsa ematen dit
anaia deitzeak.
A. Goikoetxea:
Zure jardun horrekin
ari naiz nekatzen,
gure etorkizunaz
ez zera kezkatzen.
Deus txarrik anai maite
ez dizut eskatzen,
hemen oso errez da
besteez lotsatzen,
halare lotsak ez du
zorrikan pagatzen.
F. Paya:
Zure begiak adi
zure karterara,
itzelak esateko
zelako patxada!
Etxea ez da salduko
nahi duzun erara,
dirua behar baduzu
joan fabrikara;
etxeak ez du errurik
alperra bazara.