Bertsos - View details To know more about this section
2001-11-18 Markina-Xemein Txapelketa [Bertsoa] / Unai Iturriaga
| Bertsoa entzun |
2001-11-18 Markina-Xemein Txapelketa [Bertsoa] / Unai Iturriaga
Stanza name:
Neurri luzekoak
Localization:
XDZ - Xenpelar Dokumentazio Zentroa
Internet ei da gauza guztien
sorleku ta iturria,
nahiz ta jenteak pentsatzen duen
dala etorbide urria.
Nire bidaian eman didate
hortxe ongietorria;
hain da gauza bihurria!
Nork du horren egarria?
Alperrik esan genezake gaur
dela ikaragarria;
azken batean ematen digu
gizartearen neurria. (bis)
Nik onartzen dut: Internetean
nauzue tipo nobela,
ez dut onartzen egun osoan
hortik dabilen tropela,
baina hara ze webgunetan gaur
etena zaidan kordela!
Pentsatzen nuen bezela,
iruditzen zait ustela,
zabarkeria lotsagarria
ta negozio itzela;
okerrena da norbait honekin
aberasten ari dela! (bis)
Egunen baten esan beharko da:
"gauza hauetaz aski da!",
horrela hasi ezkero nola
joan leiken urrutira.
Artikuluak ta esamesak
badaude honen harira;
neri sortzen dit gupida,
norbait baidabil hor di-da;
hor dabiltzanak bidali behar
genituzke deserrira,
eta laguntza eman behar zaie
gaixoak baldin badira. (bis)