Bertsos - View details To know more about this section
2001-11-24 Azpeitia Txapelketa [Bertsoa] / Mikel Mendizabal
| Bertsoa entzun |
2001-11-24 Azpeitia Txapelketa [Bertsoa] / Mikel Mendizabal
Stanza name:
Neurri luzekoak
Localization:
XDZ - Xenpelar Dokumentazio Zentroa
Astebete bat lan kontuekin
etxetik kanpora irten,
saiatu nintzan familiari
neure laztanak ematen.
Afaldu eta bakardadean
nagoela hotel baten,
tentazioen ekarpen,
zu nola azaldu zeraten,
une honetan uste dudana
hasi behar naiz esaten:
etxetik kanpo ez da erreza
egizko gizon izaten. (bis)
Nere kontuak esan ohi ditut
behar bezela etxean,
ta gustatzen zait leialtasuna
izatea nere ertzean.
Emakume bat pretensiokin
gaur hor nereganatzean,
kezka daukat bihotzean
ta zalantza gorputzean;
aurreraegi ez det juan nahi,
momentuz nago atzean,
damutasunak ez nazan erre
biharamuna heltzean. (bis)
Pixkabanaka neskatxa horri
hemen hurbildu natzaio,
ta hasi gera biok hizketan
eta kontuak jario.
Trago batera gonbidatu det
hemen, zer erremedio!
Hainbat saltsa eta lio
gauza hau dela medio.
Ordu pare bat hizketan jardun
gerade biok serio;
"konpaini ona egin didazu,
mila esker ta adio". (bis)