BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-11-24 Azpeitia Txapelketa

Gai-emailea

Jauregi, Saroi

Bertsolariak / Egileak

Mendizabal, Mikel

Lana

Bakarka gaia-emanda

Jarritako gaia

Ezkondua zara. Lana dela-eta astebete daramazu etxetik kanpo. Hoteleko tabernan, goizaldeko ordu txikietan, emakume bat keinuka ari zaizu alboko mahaitik. Hiru bertso, nahi duzun neurri eta doinuan.

Deskribapena

Doinua

Atmosferatik atera eta

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-11-24 Azpeitia Txapelketa [Bertsoa] / Mikel Mendizabal

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Astebete bat lan kontuekin
etxetik kanpora irten,
saiatu nintzan familiari
neure laztanak ematen.
Afaldu eta bakardadean
nagoela hotel baten,
tentazioen ekarpen,
zu nola azaldu zeraten,
une honetan uste dudana
hasi behar naiz esaten:
etxetik kanpo ez da erreza
egizko gizon izaten. (bis)

Nere kontuak esan ohi ditut
behar bezela etxean,
ta gustatzen zait leialtasuna
izatea nere ertzean.
Emakume bat pretensiokin
gaur hor nereganatzean,
kezka daukat bihotzean
ta zalantza gorputzean;
aurreraegi ez det juan nahi,
momentuz nago atzean,
damutasunak ez nazan erre
biharamuna heltzean. (bis)

Pixkabanaka neskatxa horri
hemen hurbildu natzaio,
ta hasi gera biok hizketan
eta kontuak jario.
Trago batera gonbidatu det
hemen, zer erremedio!
Hainbat saltsa eta lio
gauza hau dela medio.
Ordu pare bat hizketan jardun
gerade biok serio;
"konpaini ona egin didazu,
mila esker ta adio". (bis)