BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Bertsolari Txapelketa Nagusia (13. 2001)

Performance

2001-12-16 Donostia Txapelketa 16:30

Gai-emailea

Mandaluniz, Bernardo

Bertsolaris / Authors

Maia, Jon

Exercise

Bakarka gaia-emanda kartzelako-lana

Proposed topic

Aturritik Ebrora herri bat badela Belodromoa izan liteke lekuko. Urte asko daramatzazu zuk nahi baino tristura gehiago ikusiz. Zure ondorengoentzat beste zerbait nahi zenuke. Hiru bertso, nahi duzun neurri eta doinuan.

Description

Melody

Zuek horrela ikusi eta

Stanza name

Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Bertso kopurua

3

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2001-12-16 Donostia Txapelketa 16:30 [Bertsoa] / Jon Maia

Stanza name:  Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip) 
Localization:  XDZ - Xenpelar Dokumentazio Zentroa 

---

Aturri ez da bakar-bakarrik
bide baten doan ura,
hamaika aldiz amets eginez
sartu naiz bere barrura!
Tamalgarria izan da sarri
gure herriko itxura;
aspaldian arrengura
heldu da euskal mundura,
gainera hor dago muga:
Askatasuna nahi det zuentzat:
hizkuntza eta kultura;
hain zuzen ere gure herriai
lapurtu dioten hura. (bis)

Belodromoa batasuna da,
hori denontzat argi da;
hemen herri bat ikus dezaket
Lizarratik Garazira.
Gure herria ikusi nahi det
gaurko egunan neurrira,
ta ez sasitik sasira,
beti mina, tira-bira...
Ta azkenengo orrira
sartu gaitezen, gero artian
esperantzaren harira,
iraganari lotuak baina
etorkizunai begira. (bis)

Herri bat gera, Euskal Herria,
horixe bere izena;
sentimentutan beretzat daukat
sentimenturik gorena;
zin egiten det berarekiko
loturikan nagoena.
Seme-alabaren pena,
bihotzeraino zuzena,
alda dezagun ordena;
benetan diot: nik emango det
barruan dudan onena,
seme-alabek izan dezaten
guk izan ez genuena. (bis)