Bertsos - View details   To know more about this section

1989-12-17 Donostia Txapelketa 17:00 [Bertsoa] / Sebastian Lizaso

Bertsoa entzun  

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusia (10. 1989)
Performance
1989-12-17 Donostia Txapelketa 17:00
Gai-emailea
Azkune, Laxaro
Bertsolaris / Authors
Lizaso, Sebastian
Exercise
Bakarka gaia-emanda kartzelako-lana
Proposed topic
Bizitza guztia itsasoan eman duzu: Gaur egun ohetik mugitu ezinez zaude. Leihotik sartzen zaizu itsasoaren olatu hotsa.

Description

Melody
Pozak txoratzen hementxe dago
Stanza name
Neurri luzekoak

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

1989-12-17 Donostia Txapelketa 17:00 [Bertsoa] / Sebastian Lizaso

Stanza name:  Neurri luzekoak 
Localization:  XDZ - Xenpelar Dokumentazio Zentroa 


Aita zana (e)re marinela zen
ta bizioa ezarri,
Iehenak eta orainak nola
dakarren hainbat lokarri,
gaztetatikan sentitzen nitzan
itsasoaren egarri,
ontzi batean lehen ere musu
eman genion alkarri,
hura juan zan eta geroztik
nabil estu eta larri,
neretzat ere urteak pasa
ohean nago elbarri,
olatu hots horiek dirade
neretzako bizigarri.

Nahiz marinelak sarri ez izan
merezi hainbeste gradu,
lagun zirana(r)i orain ohetik
zerbait nahi diet bialdu,
zoritxarrean gauzak estu ta
langabezia ugaldu,
baina hala(e)re nere lagunak
itxaropenik ez galdu,
geroa ere bistan dago ta
nahiz etorkizuna zaildu,
segi uretan ofizioa(r)i
ahal degun bezela heldu,
arrai freskoa lasai ekarri
portuan ahal bada saldu,
lurrean ere zer janik ez da
urak ematen ez badu.

Hamaika ordu uretan pasa
eguzkitik ilargira,
gauean ere polita baita
itsasoaren dizdira,
ez dakienak zail da jakiten
han ohi degun ikusmira,
ni hemen baina nere lagunak
oraindik han ari dira,
aitonazahartu egonagatik
batere ez zait kupira,
oroitutzen zait lehen egindako
horrenbeste jira-bira,
egunen baten irtetzen banaiz
ni etxeko atarira,
azken arnasa eman nahi nuke
itsasoari begira.