Bertsos - View details To know more about this section
1980-01-06 Donostia Txapelketa 17:00 [Bertsoa] / Xabier Amuriza
| Bertsoa entzun |
1980-01-06 Donostia Txapelketa 17:00 [Bertsoa] / Xabier Amuriza
Stanza name:
Hamabiko ertaina (hg) / Sei puntuko ertaina (ip)
Localization:
XDZ - Xenpelar Dokumentazio Zentroa
Gai orrek badu mamia
baldin ezpanago gor,
ainbat jende gizaseme
ikusten ari naiz or;
ogiaz gain gizonari
anitz gauza zaio zor,
bestela mundu ontara
obe ez gaitezen sor,
ogiakin justizia
bear dugu derrigor,
au siñisten eztuenik
ba al da emen inor?
Nik eztakit ogi-puskak
indarrik baduenetz,
baina beste zerbaitekin
bart egin nuen amets;
esperantza zuri daukat
naiz etorkizuna beltz,
ogi utsez bizitzerik
nik ez nezake sinets,
gizon batek ortxe ditu
biotza ta ainbat saiets,
zuek ezetz esan arren
nik esango dut baietz.
Ogia da familian
gauza maitagarria,
baina orrek bearra du
azpian oinarria;
idi-gisa daramagu
buruan buztarria,
askatasuna da ogi
eta gure neurria,
iñoiz garbi irekitzen
bada orren iturria,
betiko berdetuko da
semaforo gorria.