Bertsos - View details To know more about this section
1980-01-06 Donostia Txapelketa 11:30 [Bertsoa] / Jon Azpillaga
| Bertsoa entzun |
1980-01-06 Donostia Txapelketa 11:30 [Bertsoa] / Jon Azpillaga
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Nere aurraren esaerakin
esna dedilla jentea,
gaurko goizean zer gusta zautan
umearen esatea;
aren begiak pozikan daude,
biotza berdin betea,
ainbat jostallu gaurko goizean,
aita ere zuan maitea,
izan ere zein gauz ederra dan
beti ume izatea.
Aur txikiaren esakera au
ez da guretzat kaltian,
oraindik gero ikustekoa
dauka oso apartian;
zer gozamena gaurko goizean
sortu zan etxe maitian,
bazter guztiak nabaitzen zitun
jostallu ederrez betian,
nik esan diot: «jolastu zaite
aurra zeran bitartian.»
Orlako itzak izaten dira
maitekor da biotzeko,
ia aski zan agoa itxita
itzik gabe gelditzeko;
baña zerbaitxo asmatu bear
aurra lasai gelditzeko:
«Mundu ontara etorri gera
luzaroan bizitzeko,
izan zaitela aundia azi
eta zartuta iltzeko».