Bertsos - View details To know more about this section
2007-10-06 Ataun Txapelketa [Bertsoa] / Jokin Uranga
2007-10-06 Ataun Txapelketa [Bertsoa] / Jokin Uranga
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Kotxean sartu ta abiatu
naiz Segurako herrira
parrez lehertzen hementxe nago
abertzaleei begira:
denborarik ez diegu eman
alde egiteko mendira;
Alvarez jauna lehenago eta
Rufi ere erori da;
ausartak omen ditugu baina
gurekin kokiltzen dira. (bis)
Kotxean sartu, lepotik heldu
eta egin diot burla
orain Permachek soilik egin du
negarra eta eztula.
Nola liteke batzun heroia
bihurtzea hain ahula?
Euskal Herrian burutu degu
berriz ekintza mardula
nahiz jakiten geu izan lehenak
arrazoirik ez degula. (bis)
Beste guztiei ere kartzela
ez diet besterik opa!
Beste ekintza ere badaukat
ta txanpainez bete kopa;
bihar Bilbora iristen dira
bi mila kilo farlopa;
ni lasai nago hemendik ere
ja salbatuta nago-ta
poliziak inoiz ez baitu egiten
bere buruaren kontra. (bis)