BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-12-16 Donostia Txapelketa

Gai-emailea

Jauregi, Saroi

Bertsolaris / Authors

Gaztelumendi, Beñat

Exercise

Bakarka gaia-emanda kartzelako-lana

Proposed topic

Hilabeteetan gelan egondako sehaska bildu eta gordetzeko unea da.

Description

Melody

Abokatuak deitu berri dit

Stanza name

Hamabiko handia (hg) / Sei puntuko handia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-12-16 Donostia Txapelketa [Bertsoa] / Beñat Gaztelumendi

Stanza name:  Hamabiko handia (hg) / Sei puntuko handia (ip) 
Localization:  XDZ - Xenpelar Dokumentazio Zentroa 

---

Nik zazpi urtez emazte maite
bat eduki det gertuko.
Bagenekien haurrik ezean
gu ginela damutuko.
Hilabetetan saiatu gera
zenbat gau ta zenbat truko...
Sehaska ere ipini degu
ona baitzen bihurtuko;
baino horma zuri-zuridun gela
honetan sartu orduko
sendagileak aitortu digu
ez genuela lortuko. (bis)

Egurrezkoa txiki-txikia
ta hartz marrazkia duna;
azpian dauzka lau gurpil txiki
ta almohada bat biguna.
Desegin degu eta andreak
hain du beidatu iluna!
Hala esan dit "Haur bati eman
nahi nioke maitasuna";
nik esan diot "Lasaitu zaitez!
izan ezazu zentzuna!"
baino sehaska bakarrik ez da
basuran utzi deguna. (bis)

Gu gaitasunez gabiltza urri
aberats borondatean.
Nere emaztea ikus dezaket
botata silloi batean;
ez det sinisten maitasun honek
dadukan errematean;
bide gehiago egongo dira
ez dakit nongo partean.
Erabaki det era honetan
ez naiz biziko pakean;
nere bizitza ezin da buka
beste bat sortu artean. (bis)