Bertsos - View details To know more about this section
2007-12-16 Donostia Txapelketa [Bertsoa] / Jexux Mari Irazu Muñoa, Jon Martin
2007-12-16 Donostia Txapelketa [Bertsoa] / Jexux Mari Irazu Muñoa, Jon Martin
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
J.M. Irazu: Bizitzak ez al zaitu
batere babestu?
Kartarik onenekin
ez zera aurkeztu;
noski parada denak
daude zure esku;
nik asko kobratzea
nuen lehen amestu
baino hemen gelditzeak
preziorik ez du.
J. Martin: Ez ba bizitzak ez nau
gehiegi babestu
ta kartarik onenak
ez dizkit aurkeztu;
nik bizitza hobe bat
nahi nuen amestu;
bidaian lehen zatiak
zailtasunik ez du
ta bigarren zatia
utzi nire esku.
J.M. Irazu: Bigarrengo zatia
al da askagarri?
Heriotza ez baita
beti bizi berri;
Ni heriotzan taxi?
Fama hori ez jarri!
Kontzientziak buelta
nola eman horri?
Goazen lehengo lekura
ta oinez etorri!
J. Martin: Heriotza gidari
ze gidari peto!
Bizitzeko ez naiz kapaz
baina bai hiltzeko
jadanik ez bainaiz gai
oinez etortzeko;
utzi ni eta zoaz
hemendik! Hobeto...
Ez dizut eskatuko
bultza egiteko.
J.M. Irazu: Noski nere asmoa
ez zan bultzatzea.
Hogei urtez gazte bat
nolako trantzea!
Neretzat da mingarri
hola bukatzea;
goizeko lauak dira
ta martxan kotxea...
Benga eramango zaitut
nun dezu etxea?
J. Martin: Aspaldi itsasora
bota nuen giltza
ta nere zoriona
ere da murritza;
hau erabakita dut
alperrik zabiltza!
Begiratu hor behera
hori da baldintza;
bizi ez garenentzat
hori da bizitza.