BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-09-23 Zaldibia Txapelketa

Gai-emailea

Agirresarobe, Jon "Torrotxo"

Bertsolaris / Authors

Iriondo, Zigor "Zipri"

Izagirre, Iñigo

Exercise

Binaka gaia-emanda

Proposed topic

Gazta Txapelketa irabazitako gazta subastan garesti ordaindu zenuen lehengo astean, Iñigo. Gaur, etxera sartu zarenean, Zigor semea lagunekin afaltzen topatu duzu. Gaztaren azala besterik ez da geratzen.

Description

Melody

Kantatzera nijoa

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-09-23 Zaldibia Txapelketa [Bertsoa] / Zigor Iriondo "Zipri", Iñigo Izagirre

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

I. Izagirre: Ordiziko subastan
nengoen serio;
asko ordaindu behar
ze erremedio!
Semeak kuadrilari
dena eman dio;
kuadrila osoak ez du
hainbeste balio! (bis)

Z. Iriondo: Hemen juntatu gera
horrenbeste lagun
eta gazta jaten gu
ederki gea jardun.
Ordizin erosia
dezu gazta ordun...
Nun erosi zenuen
galdetu behar nizun. (bis)

I. Izagirre: Bihar bertan lanera
zoaz berehala
hau dana ordaintzea
ez baita makala.
Pozten naiz: gutxienez
badaukat azala;
uste det katuantzat
lujo gehitxo dala. (bis)

Z. Iriondo: Haserre zaudela zu
naiz konturatu-ta
lasaitu zaitez aita
uztazu burruka;
ez al zaude ba aita
orain ohartuta?
Semea behintzat dago
alimentatuta. (bis)

I. Izagirre: Nahiz lotsa ematen didan
honi seme deitzen
berriro ere jarriko
zait hau gizen-gizen;
bihar Arzakekin naiz
gelditu afaltzen
eta eskerrak ez dun
bat'e entenditzen! (bis)

Z. Iriondo: Jakin, lagunak oso
ondo gerau dira
ta ez dira kexatu
oraingoan tira!
Ta zerbait esatea
orain komeni da:
hurrengo urtean berriz
joan zaitez perira. (bis)