BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-12-01 Ordizia Txapelketa

Gai-emailea

Zaldua, Ion

Bertsolaris / Authors

Mendiluze, Aitor

Sarriegi, Aitor

Exercise

Binaka gaia-emanda

Proposed topic

Argazki saio bat egiten ari zaizkizu, Sarriegi. Orduak daramatzazu batera eta bestera jarriz, baina Mendiluze argazkilariak oraindik ez du lortu nahi zuen argazkia.

Description

Melody

Praixku Galtzazarreta A

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-12-01 Ordizia Txapelketa [Bertsoa] / Aitor Mendiluze, Aitor Sarriegi

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

A. Sarriegi: Postura hau txarra ta
hura nabaria;
berriro aldatzea
zure eskaria.
Karretea oraindik
daukazu garbia?
Gaur egun edozein da
argazkilaria!

A. Mendiluze: Badakizu artistak
halaxe gera-ta
gaur postura politik
ez dedila falta!
Baino alperrik ari naiz
saka eta saka
zure perfil onenik
ezin aterata.

A. Sarriegi: Nekatzen hasi naiz ta
esan nahi det zera:
aurpegia doakit
txarretik txarrera;
orain arte ez badezu
bat onik atera
ez dezu aterako
hemendik aurrera!

A. Mendiluze: Bai, bai proba dezagun
postura batean;
etzan lurrean, ez da
zeuretzat kaltean;
orain burua sartu
zazu besapean
ta egon karretea
jarri bitartean.

A. Sarriegi: Hortarako hainbeste
behar al da jakin?
Bat atera didazu
mutur txarrarekin;
baina atera liteke
nahi hainbat etekin
etxean konpon zazu
photoshoparekin.

A. Mendiluze: Beraz tranpa egiteko
eskatzen didazu;
nik ze kulpa det hola
baldin bazera zu?
Baina lasai! Zeozerk
balio du aizu:
gutxienez zapata
politak dauzkazu.