Bertsos - View details   To know more about this section

2001-03-16 Oñati Txapelketa [Bertsoa] / Nerea Elustondo, Jokin Uranga

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusirako Gipuzkoako Sailkapena (2001)
Performance
2001-03-16 Oñati Txapelketa
Gai-emailea
Aizpuru, Egoitz
Bertsolaris / Authors
Elustondo, Nerea
Uranga, Jokin
Exercise
Binaka gaia-emanda
Proposed topic
Goizeko hiruretan atea jo dute Nerea zure etxean. Jaiki eta ireki duzunean ohartu zara Jokin bizilaguna dela. Preserbatibo eske datorkizu.

Description

Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2001-03-16 Oñati Txapelketa [Bertsoa] / Nerea Elustondo, Jokin Uranga

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

ELUSTONDO:
Asmoa nola banun
gaur lo egiteko
tinbrea entzun eta
esnatu kolpeko
preserbatibo eske
zatoz gaur konpleto.
Zertako behar dezu
lotara joateko? (bis)

URANGA:
Neskarekin egin dut
sexuan igeri
ta oraindik horrela
nahiko nuke segi.
Kondoi bat eskatzen det
ez bada gehiegi,
zuk ez dezu beharko
eta eman neri. (bis)

ELUSTONDO:
Kondoiak eskatzeko
hartu dezu beta,
horra "Durex" kaja bat
kondoiez beteta,
baina kadukatuta
ta jarri arreta,
aspaldian ez ditut
erabili eta. (bis)

URANGA:
Kondoirik ez dezunez
gaurkoan behar zuk,
neri oparitzea
dezu onena batzuk.
Baina lagun maitea
orain zin dagizut,
bukatzen dedanean
itzuliko dizut. (bis)

ELUSTONDO:
Itzultzeko nahiz eta
badezun apeta
hobe dezu kondoiak
albora gordeta.
Gabe egin ezazu,
ez da berriketa,
bizilagunak oso
gutxi gera eta. (bis)

URANGA:
Gabe egin dezadan
hori ez da txantxa
horretarako ez det
gorde esperantza.
Honezkero nazkatu
da nere neskatxa
martxa atras ez, etxetik
egingo dit martxa. (bis)