Bertsos - View details To know more about this section
1988-03-20 Iruñea Txapelketa [Bertsoa] / Mixel Aire "Xalbador II"
1988-03-20 Iruñea Txapelketa [Bertsoa] / Mixel Aire "Xalbador II"
Localization:
XDZ - Xenpelar Dokumentazio Zentroa
Adiskidea zinela eman
dautazu frangotan hitza
nik bait nuen bai zure aldea
aberatsagoen antza;
gaur aberastu zira zuhaur ta
orain zuk norat balantza?
ez dautazu nahi behatu ere
nitan zuk zer konfiantza
nire laguntza nahi zinueno
zen zure adiskidantza.
Nere alderat inguraturik
zinion ginela anai
ni ere garai batez zurekin
erabiltzen nintzen alai
aberastuta bertze aldera
so egiten duzu orai;
zu bezalako adiskideak
bertzetan baditaizke bai
baina holako adiskiderik
nik gehiago ez dut nahi.
Adiskidantza zurean dut nik
sinetsi ene kaltetan
adiskidea agertzen zinen
ardura zure hitzetan;
gaur dezakezu ta etsai zira
agertzen zure obretan
nik adiskide aski badut ta
nahiz biziko neketan
adiskideak maiteak dauzkat
ni aurriduri pobretan.