Bertsos - View details To know more about this section
1989-04-23 Baigorri Txapelketa [Bertsoa] / Jean Pierre Mendiburu
1989-04-23 Baigorri Txapelketa [Bertsoa] / Jean Pierre Mendiburu
Localization:
XDZ - Xenpelar Dokumentazio Zentroa
Semea orai mintzatu zira
funts gabe itsu-itsuan
zuk nik bezala ez ari nahi
jende maitentzat bertsuan
uste duzia ez gauden ongi
hemengo paradisuan
ez da urguilu harrokeririk
txapelketaren pisuan
jarraiki zait ez aita bezala
euskararen zerbitzuan.
Ez nik bezala jokatu nahi
min egin duzu ondikotz
gaur zure aita abertzale ta
euskaldun fina delakotz
atsegin nuke zu ni bezala
bermatzea indar oroz
euskara eta Euskadigatik
beti bihotz eta gogoz
indar guztiez jokatu zaiten
herri hunen amodioz.
Zure mintzoa nitan sartu da
haur xumen mintzoen arau
to zu bezala gaur mintzo denik
Baigorrin ez ditaizke lau
erabakia herriagatik
ez da hartzen hola briu-brau
baina barnatu pentsamenduak
ahalaz egun eta gau
ta nik bezala zerbitza zazu
seme maitea herri hau.