Bertsos - View details To know more about this section
1991-03-03 Izura-Azme Txapelketa [Bertsoa] / Fermin Mihura
1991-03-03 Izura-Azme Txapelketa [Bertsoa] / Fermin Mihura
Localization:
XDZ - Xenpelar Dokumentazio Zentroa
Aspaldixkotik gure etxean
apal daukagu gogoa
ene alaba bihiotzetikan
ez bait da hainbat sendoa
baina esperantza bat hor heldu
zauku naski oraingoa
ez da naski hau leloa
polita gaurko ondoa (bis)
hegazkin batek berri ekarki
eta nere esperoa
luzaz ikusi nahi bait nuke
alaban bizi beroa.
Hainbat denbora eritasunez
kexu dirade bazterrak
ezker nahiz eskuin medikutara
egin ditugun lasterrak!
batzutan ongi uste doala
eta heldu da okerra
baina barrenean garra
hala ere dago suharra (bis)
norbaitek bihotz bat emaitea
izango da gauza ederra
oraindanikan hartu ditzala
bihotzez nere eskerrak.
Sobera luzaz izanik ere
orai arteinoko tratu
azken batean uste dut ongi
denik dena akabatu
hegazkina da urrundik matxan
laster behar arribatu
ginaizke beraz sendotu
eta bideari lotu (bis)
baina hegazkin hori ez bedi
orai sobera luzatu
famili dena alabarekin
gero gaitezen gozatu.