Bertsos - View details To know more about this section
1990-07-14 Legazpi Jaialdia [Bertsoa] / Anjel Mari Peñagarikano
1990-07-14 Legazpi Jaialdia [Bertsoa] / Anjel Mari Peñagarikano
Localization:
XDZ - Xenpelar Dokumentazio Zentroa
Alfontso, Alfontso
zer ari zera prestatzen,
Alfontso, Alfontso
dirurik ez det eskatzen,
aspalditxoan miloiak ostu
litxarkerian gastatzen,
zeure anaia lagun eginda
mokadu onak dastatzen,
aspalditxoko esaera hau
zeni ez zaio gustatzen,
lapur txikiak preso sartuta
berak miloiak ostutzen.
Alfontso, Alfontso
hi lapurretan zer habil,
Alfontso, Alfontso
hortan iaio eta abil,
aspalditxoan ibili zera
xorro-xorro isil-isil,
bien bitarte guri apuntatzen
hainbat pistola ta fusil,
lapur txikiak preso sartu ta
beste hainbat gudari hil,
gaurko munduan hamaika holako
injuztizi txar badabil.
Alfontso, Alfontso,
lapurra ez hadi izan,
Alfontso, Alfontso
konfesa adi elizan,
hainbeste miloi pilatu ditu
ez dakit zeinen enpresan,
adibide bat jarri behar det
jendeak ulertu dezan,
gauza berdina gerta zitzaigun
Rumasan eta Matesan,
orain bezela ordun ez zuten
egi haundirikan esan.