Bertsos - View details To know more about this section
1988-05-28 Lizartza Plaza librea [Bertsoa] / Xabier Amuriza
| Bertsoa entzun |
1988-05-28 Lizartza Plaza librea [Bertsoa] / Xabier Amuriza
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Ibilaldia izen haundia
hala jarria da bera,
Euskaldunentzat elkar biltzeko
bere biziko aukera,
urterik urte hortxe gabiltza
batetik eta bestera,
ibiltzen gabitz baina hauxe da
etortzen zaidan galdera:
Noiz demonio bukatuko da
Euskararen ibilera? (BIS)
Kanpainak handik, kanpainak hortik,
beti horretantxe gaude,
Gasteiz aldera juaten bazaraz
handik zer dagon ez galde,
len ez baziren Euskararentzat
programa on baten jabe,
sozialistak orain hizkuntzan
hor daukazue Recalde,
hortik atera zenbat egingo
duten Euskararen alde... (BIS)
Dirurik gabe erdi itota
hori nunnaiko negarra,
ertzain kuartelak jasotzeko hemen
dirua da barra-barra,
eskola eta beste hortako
ibilaldien indarra,
batetik poza, bestetik pena,
hau da sortzen zaidan garra,
Euskararentzat oraindik ere
limosna bildu beharra. (BIS)