Bertsos - View details To know more about this section
1992-12-08 Errenteria Sariketa [Bertsoa] / Aitor Sarriegi, Jose Luis Urdangarin
| Bertsoa entzun |
1992-12-08 Errenteria Sariketa [Bertsoa] / Aitor Sarriegi, Jose Luis Urdangarin
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
J.L.Urdangarin:
Nere nobiorikan
nik ezin det gora,
esan behar det orain
datorkit ahora,
alperrik joan gera
gu ohe txokora,
ta alperrik hartu ditut
hamaika pildora. (BIS)
A.Sarriegi:
Gozamenari esan
diot nik adio,
zu ikusi zaitut ta
zer erremedio,
akzioan ari nahi!
hainbeste herio,
ni bezelakoentzat
ez duzu balio. (BIS)
J.L.Urdangarin:
Mutil, ez dezu hartu
andregai txukuna,
lotako hartzen badezu
gaueko iluna,
baina egin dezagun
oindik ahal deguna,
eskuz egin beharko
honek ezin duna. (BIS)
A.Sarriegi:
Eskuaren jokuan
etor zaitez hona,
kendu ditu blusa ta
hiruzpalau gona,
biluzik jarri baina
ez zen oso ona,
gehiago ematen zun
butano bonbona. (BIS)
J.L.Urdangarin:
Honek burla egiteko
badu nahiko truko,
baina bere aurrean
ez naiz isilduko,
butano bonbona naiz
ezin egin uko,
baina zure txispakin
ni ez naiz lehertuko. (BIS)
A.Sarriegi:
Txispa kontu hoiekin
sartuak ohera,
zu bezelakoekin
asko ezin atera,
hortxe ibili zera
gora eta behera,
arropak jantzi eta
banoa etxera. (BIS)