Bertsos - View details To know more about this section
1993-06-27 Mungia Jaialdia [Bertsoa] / Jon Azpillaga, Jon Lopategi
| Bertsoa entzun |
1993-06-27 Mungia Jaialdia [Bertsoa] / Jon Azpillaga, Jon Lopategi
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Azpillaga:
Berrogei eta hamazazpi urte
argazki horrek daukana,
oraindik ere goguan dago
eurak egin eben lana;
bertsolariak ziraden eta
bertsoetan bizi dana.
Basarri dogu bakar-bakarra
gaur bizirik daguana.
J.Lopategi:
Arbola zaharrak aintzat hartzeko
jarri dauskue aukera;
gerra aurreko aiton guztiak
jarri ditue batera;
fotograforik izaten bada
baldin, ba, danok atera:
geu be holaxe egongo gara,
baina hemendik ehun urtera.
Azpillaga:
Zepai ta Txapel ta Uztapide
zelako hirukotia!
Haiekin ere bertso kantari
hartu genduen partia;
ikusi dogu argazki hori
da oroitzapenez betia:
historirako geldituko da
horrek daukan argazkia.
J.Lopategi:
Historiari emon neutzien
hasiera ta indarra,
horren ahotik agertzen baitzen
euren bihotzeko garra;
bizkorra gendun kantuz Txirrita,
baina gorputzez baldarra;
itxura hori hartzera doa
Azpillaga lagun zaharra.