Bertsos - View details To know more about this section
1995-09-01 Donostia Jaialdia [Bertsoa] / Sebastian Lizaso
| Bertsoa entzun |
1995-09-01 Donostia Jaialdia [Bertsoa] / Sebastian Lizaso
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Kezkati nago galdera horren
esanahiaz ohartzean,
honelakorik ez nuen uste
nagon lekuan jartzean,
sarri askotan sentitu izan naiz
ni muga baten trantzean,
kanpotik ez da inoiz ikusten
zer dagon ate atzean,
batzuk sartzean gozatzen dute
besteak ateratzean. (bis)
Normala degu ate ondoan
sentipen asko biltzia;
gerta liteke batzuk harrotu
ta besteak umiltzea:
ate barrutik zein gogorra den
presoaren irrintzia;
ate kanpotik amari deika
haurtxoaren garraixia...
Nork norentzako zabaltzen duen
horrek dauka garrantzia. (bis)
Ate barruan dagona preso,
betiko zurrumurrua,
eta kanpotik dagonak berriz
ikusi nahi du barrua,
atearentzat aitzaki denak,
horrekin dut amorrua,
ia gaurkoan zabalduko dan
ate zaharraren orrua:
ni lotzen nauten zarrailak eta
giltzak daukate errua. (bis)