BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Bertsolari Txapelketa Nagusia (11. 1993)

Performance

1993-11-14 Hendaia Txapelketa

Gai-emailea

Mandaluniz, Bernardo

Bertsolaris / Authors

Arzallus, Jexus

Iribar, Jexux "Olalde"

Exercise

Binaka gaia-emanda

Proposed topic

Zuen herrian udal hauteskundeak izan berri dira. Zu, Jexux, senarra, hautagaien zerrendan zinen eta boto bat bakarra jaso duzu, zeurea. Botoa ematera, Olalde, emaztearekin joan zinen.

Description

Melody

Kantatzera nijoa

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

1993-11-14 Hendaia Txapelketa [Bertsoa] / Jexus Arzallus, Jexux Iribar "Olalde"

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

J. Arzallus:
Kanpainan pasatua
dugu hilabete;
mitinak gaur ta bihar,
igande ta aste;
emaztean laguntzik
ez dadukat bate :
etxean bakarrikan
nahi nauzu alkate.(bis)

Olalde:
Hortarako behar du
hoinbeste jenio...
ta senarra ez dezu
batere balio,
zure botoarekin
ni ez nintzan fio;
etxian gutxi eta
herrian gutxio.(bis)

J. Arzallus:
Emaztean laguntza
zen beharrezkoa,
bainan ikusten denez
ez nau gogokoa.
Noiz krixtotikan duzu
hola gorrotoa?
Nori eman diozu
zuk zure botoa? (bis)

Olalde:
Ni're herriaren alde
amorratzen nago,
ta lana egiten det
gero ta gehiago,
zeini eman diotan
jakin nahirik dago...
Sekretua da eta
ez dizut esango.(bis)

J. Arzallus:
Gaur arte etxean neu
bainintzen nagusi,
baina ni alkatetzat
ez nau nahi ikusi;
poz bat badut niregan
frakaso ta guzi,
botorik ez baitio
eman Arzallusi.(bis)

Olalde:
Botoa ez emanik
hartu dezu mina,
baina nik aurretikan
nuen hau jakina.
Arzallus zerade zu,
garbi hitzegina;
apelliduz bai, baina
ez zera berdina.(bis)