Bertsos - View details   To know more about this section

1993-12-05 Eibar Txapelketa 17:00 [Bertsoa] / Andoni Egaña, Iñaki Murua

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusia (11. 1993)
Performance
1993-12-05 Eibar Txapelketa 17:00
Gai-emailea
Azkune, Laxaro
Bertsolaris / Authors
Egaña, Andoni
Murua, Iñaki
Exercise
Binaka gaia-emanda
Proposed topic
Iñaki Murua, lanik gabe dauden asko bezela, herriko plazan zaude eta eskean. Andoni Egaña, boxeolari hau etorri zaizu eta esparring bat behar duela esan dizu..

Description

Melody
Kantatzera nijoa
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

1993-12-05 Eibar Txapelketa 17:00 [Bertsoa] / Andoni Egaña, Iñaki Murua

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 


Egaña:
Eskua kazo gisan
jartzen dezu sarri,
ta eskean zabiltza
buru ta belarri.
Sparring baten bila
nabil larri-larri;
hartzeko prest bazaude,
nerekin etorri. (bis)

Murua:
Eskean nago hemen,
jardun eta jardun;
borondatetsua naiz
hartu behar dan ordun.
Ni sparring moduan
har nazazu, lagun;
laister egingo zera
munduko txapeldun. (bis)

Egaña:
Beraz, zu prest bazaude,
ni ere prest nago.
Ene!, topatu izan
bagina lehenago...
Hain fuertea naizenik
ez nuke esango,
hiru karizi baizik
ez dira izango. (bis)

Murua:
Lasai hasi zaitea
nerekin mokoka,
sparring sendo on bat
nola zaizun toka.
Nahiz ni kokotez atzea
berehala bota,
nornahi hautsiko dezu
okotzean jota. (bis)

Egaña:
Beraz gizon debila
zaitugu orduan,
zu zeu pintatu zera
gixajo moduan.
Nik tipo baliente bat
nahi nuke onduan;
zakua lehendik badet,
gizon bat nahi nuan. (bis)

Murua:
Gizon peto askoa
aurrean daukazu,
zuri erakusteko
aditu ta maisu.
Munduko txapelduna
izan nahi badezu,
"Rossli"-a erretzeari
utzi ezaiozu. (bis)

Egaña:
Konsejuak ematen
zerorren kaltera;
nik nahi nuke txapela,
gainera kartera,
eta biriketatik
ke piska't atera;
Ezin al dira lortu
bi gauzak batera?

Murua:
"Utzi erretzeari"
esan dizut garaiz,
osasunaren aurka
ari bai zera maiz.
Txapeldun ein zintezke
ta aurpegi alaiz,
ta ni zure kontura
bapo biziko naiz. (bis)