BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Bertsolari Txapelketa Nagusia (11. 1993)

Performance

1993-12-08 Bilbo Txapelketa 11:30

Gai-emailea

Mandaluniz, Bernardo

Bertsolaris / Authors

Egaña, Andoni

Exercise

Bakarka gaia-emanda kartzelako-lana

Proposed topic

Une honetan zuretzako telegrama hauxe jaso dugu. Honelaxe dio: "Eskerrik asko, xarmangarria zara, laister arte. Kattalin".

Gaiari oharrak

Aukerako gaiak:
1. GAIA: Une honetan zuretzako telegrama hauxe jaso dugu. Honelaxe dio: "Eskerrik asko, xarmangarria
zara, laister arte. Kattalin".
2. GAIA: Zuk urtebete pasa duzu munduan zehar bazterra ikusten. Itzuli zara berriro zeure ohizko lantokira,
fitxatu duzu eta bazoaz betiko zure lanpostura.

Description

Melody

Maitasuna da bizi izateko

Stanza name

Neurri luzekoak

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

1993-12-08 Bilbo Txapelketa 11:30 [Bertsoa] / Andoni Egaña

Stanza name:  Neurri luzekoak 
Localization:  XDZ - Xenpelar Dokumentazio Zentroa 

---

Telegrama bat izan liteke
zorionen iturria.
(Biozbera naiz, holako zerbait
da neretzat azkurria).
Eskutartean dardar batean
dena dut irakurria,
hauxe momentu larria!,
lotzen gaitun uztarria. (bis)
Ene Kattalin, ez da egia,
ni ez naiz xarmangarria;
xarmangarriak dirade zure
arpegia ta irria. (bis)

Era hortako lore sortarik
ez zendun espero bela,
zure barruan sentitu zendun
horrein sorpresa itzela...
Ez zenekien bart arte zure
adiskidea nintzela.
Lotzen gaituen kordela
ez da etengo horrela. (bis)
Atzo gaueko hori ez hartu
erdi mirari bezela;
jakin ezazu, berriro ere
berdin egingo nukeela. (bis)

Hilabetetan sufritu dezu
inork ez daki zenbat min,
alper-alperrik fortuna eta
suerteari hotsegin.
Behar dunari laguntze hori
beti izan dut atsegin.
Ene bihotzeko Kattalin,
nik jokatu nahi nuen fin; (bis)
HIESa duzu eta goxatzen
egin dut hainbat ahalegin,
arantza artean bizi den hori
lore artean hil dedin. (bis)