Bertsos - View details To know more about this section
2005-12-04 Donostia Txapelketa [Bertsoa] / Arkaitz Goikoetxea
2005-12-04 Donostia Txapelketa [Bertsoa] / Arkaitz Goikoetxea
Stanza name:
Hamabiko handia (hg) / Sei puntuko handia (ip)
Localization:
XDZ - Xenpelar Dokumentazio Zentroa
Patera baten aita ta amak
noizbait egin zuten alde
pentsatzen genun ez zela izango
alferreko ta debalde
ta infernura iritsi dira
zerutik pasatu gabe;
itsaso maite zu egin zera
beraien gorputzen jabe
argi botatzen hementxe nabil
ez zaidazu egin galde
zure barrura iritsi diren
senide guzien alde.
Hainbat olatu ikusten ditut
hemen gora eta behera
egia esan erdi ilunpean
ni ez nago alegera.
Itsaso maite mintzo natzaizu
ta hitzak daude sobera
geronek ere joan nahi dugu
ahal bada leku hobera
zure barrena joan beharra
dugu biziko bagera
eman zaidazu aita ta amari
ukatutako aukera.
Beste biderik ez zait geratzen
egin beharra dut froga
hemen betiko geratuz gero
ez naiz helduko inora;
patera hartu eta banoa
poliki eta gustora.
Zure laguna naiz itsasoa
eta ez zaite aztora
baldin ez banaiz inoiz iristen
hara gora, hara gora
arren eraman aita ta ama
bizi dituzun hondora.