2009-10-10 Leitza Txapelketa [Bertsoa] / Ainhoa Agirreazaldegi, Iñigo Mantzizidor "Mantxi"

Alkoholemia kontrola ikusi duzue aurrez aurre, eta edanda zoazte biak. Mantxi, kontrola saihesteko, autoa aparkatu eta elkarri muxuka hastea proposatu dizu Ainhoak.

Description

Melody

Nere senarrarekin I

Stanza name

Zortziko txikia (hg) / Lau puntuko txikia (ip)

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2009-10-10 Leitza Txapelketa [Bertsoa] / Ainhoa Agirreazaldegi, Iñigo Mantzizidor "Mantxi"

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

Mantxi

Biok alkoholemian
geratuz astiro
aparatoak ziur
eingo dula tiro.
Muxu eman zaidazu
behin eta berriro
bi aukerak izango
dira positibo. (bis)

A. Agirreazaldegi

Biak positiboak
dira berdin-berdin
zuk zenbat edan dezun
nik nahi nuen jakin
baina antzerkitxo hau
ona izan dadin
neri putzikan behintzat
ez zaidazu egin! (bis)

Mantxi

Hemen nola jokatu
behar dan holakotan
holako aukerarik
ez izan askotan.
Goxo emango dizut
ez jarri kolokan
zure alaba bezin
goxoa naiz hortan. (bis)

A. Agirreazaldegi

Mantxiri heldu eta
kariño ta muxu
horrelako aukerik
ez det izan usu.
Baina orain urduri
ipini naiz aizu!
Nere alabarena
zuk nola dakizu? (bis)

Mantxi

Zure alabak eman
ditu mila muxu
nire aldean mozkor
ez al zaude aizu?
"Nere alabarena
zuk nola dakizu?"
aurreko kontrolean
kontatu didazu. (bis)

A. Agirreazaldegi

Nahiz ez ditun botako
seguru poemak
ez dira horren txarrak
holako problemak.
Muxuz ase ditzagun
tristurak ta penak
bihotzeko mozkorrak
baitira onenak. (bis)

BDB Bertsolaritzaren datu-basea

Bertsos - View details To know more about this section