Bertsos - View details To know more about this section
2009-10-11 Bilbo Txapelketa [Bertsoa] / Amaia Agirre, Maddalen Arzallus
| Bertsoa entzun |
2009-10-11 Bilbo Txapelketa [Bertsoa] / Amaia Agirre, Maddalen Arzallus
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
M. Arzallus
Nere eskaereri
eginikan kasu
haseran hasi zara
laztan eta muxu
baina zer gertatu da
oraingoan aizu?
Amaia harrituta
erabat naukazu
bizkarra emanda ere
polita zara zu. (bis)
A. Agirre
Gogorik ez daukagu
ahoa ixteko
baizik plazer gorena
topera iristeko.
Haserretu naizenik
ez duzu usteko?
Ez nitzan gai Maddalen
aurrekoa eusteko
eta esan nahi nizun
atzetik hasteko. (bis)
M. Arzallus
Beraz hasi nahi duzu
gogor eta sutsu
nahiz lehen hasi naizen
goxo ta amultsu
egia esan pixkat
bortitza zara zu
horretan inexperta
nahikoa naiz aizu
eta zuk erakutsi
beharko didazu. (bis)
A. Agirre
Laguntza behar dezu
zure arabera
zertan sartu hain larri
laztana ohera?
Goza zazu nerekin
zu kapaza zera
mugitu bi behatzak
gora eta behera
ta lasai elkarrekin
iritsiko gera. (bis)
M. Arzallus
Gainera esaten du
goxo lasai-lasai
zu zaude ni behatzak
noizbait sartuko zai.
Uste dut ez naizela
horretarako gai.
Lokartu egingo naiz
eta zu ere bai
bihar goizean ez dut
agujetarik nahi. (bis)
A. Agirre
Hasi aurretik nunbait
zaude neka-neka
gogoan al daukazu
biharko aujeta?
Baina pasa zaiguna
ez da berriketa.
Lo egin nahi badezu
lasai eman buelta
bakarrik bukatzea
gustatzen zait-eta! (bis)