Bertsos - View details To know more about this section
1983-01-23 Donostia Jaialdia [Bertsoa] / Imanol Lazkano
1983-01-23 Donostia Jaialdia [Bertsoa] / Imanol Lazkano
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
Mundura pobre jaio
nintzanari esker
nere amets gehienak
irten zaizkit oker
munduak gauz gozorik
ez dit eman ezer
horrenbeste neke ta
azkenik hara zer:
sasoirik onenean
urdaiean kantzer.
Maitemin jolasetan
ez nun egin barau
haur batzuk sortu ginun
eta han daude lau
malkoaren ihintzetan
nabil egun ta gau
normaltzat hartu arren
noizbait hil behar hau
amarikan gabeko
haurrak kezkatzen nau.
Agur nere senarra
bihotza betean
zer gurutze zuretzat
nik alde egitean!
Honek lotuko zaitu
bigarren katean
saia zaitea behintzat
ahal dan hainbatean
landaretxoak zugaitz
egin bitartean.