Bertsos - View details To know more about this section
1987-12-26 Ordizia Jaialdia [Bertsoa] / Imanol Lazkano, Sebastian Lizaso
1987-12-26 Ordizia Jaialdia [Bertsoa] / Imanol Lazkano, Sebastian Lizaso
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
S. Lizaso: Hainbeste gustatu ta
gitarra erosi
Lazkano: burutik transtornatzen
ez al haiz hi hasi?
S. Lizaso: Iparragirren gisa
kantuz nahi det bizi
Lazkano: aita sano dan arte
moldatuko haiz hi!
Lazkano: Gure etxean ez zan
traste hau komeni
S. Lizaso: bestela ez zegoen
nahikoa harmoni
Lazkano: nola eutsi nahi diok
baserri zahar honi?
S. Lizaso: Baserritik jai dago
kantura noa ni!
S. Lizaso: Aita zergatik zaude
jenioz erria?
Lazkano: Errekara bota zak
gitarra berria
S. Lizaso: kantuz zerbitu nahi det
nik Euskal Herria
Lazkano: seme honek jango dit
nere baserria!
Lazkano: Esne-marmitik ez du
beteko goizian
S. Lizaso: alperrikako lanak
lehenago ohi zian
Lazkano: nork eginda jango dek
geuk egin ezian?
S. Lizaso: Esnea sobre dago
Europa guzian!
S. Lizaso: Kantuarekin nahi det
bizitzan jolastu
Lazkano: hortik jaten zail dala
etzakela ahaztu!
S. Lizaso: Hori egiten dute
txoriak hain juxtu
Lazkano: ez ditek edukiko
hik hainbeste kastu!
Lazkano: Gau guzia kantari
ta egunez lotan
S. Lizaso: aitaren "redios!"-ak
entzunez askotan
Lazkano: ahorratzea berriz
beti gerokotan
S. Lizaso: zertako irabazi
ez gastatzekotan?
S. Lizaso: Euskaldun umoreai
nahi nioke bultza
Lazkano: fameli baterako
hi haiz hi kurutza!
S. Lizaso: Mundu hontako martxa
ez da diru hutsa
Lazkano: nik eginak jateko
hik daukak gorputza!
Lazkano: Etorkizun beltzean
dit baserri zaharra
S. Lizaso: ni naiz hor argi egin
lezakeen izarra
Lazkano: utziok kantuari
moztu zak bizarra!
S. Lizaso: Zuretzat motosierra
neretzat gitarra!