Bertsos - View details   To know more about this section

1985-04-27 Oñati Jaialdia [Bertsoa] / Joxe Agirre, Joxe Miel Iztueta "Lazkao Txiki", Imanol Lazkano, Joxe Lizaso

General information

Kategoria
Bat-batekoa
Performance
1985-04-27 Oñati Jaialdia
Gai-emailea
Segurola, Nikolas
Bertsolaris / Authors
Agirre, Joxe
Iztueta, Joxe Miel "Lazkao Txiki"
Lazkano, Imanol
Lizaso, Joxe
Exercise
Launaka gaia-emanda
Proposed topic
Hemen izana da Cristina Onassis, munduko emakumerik aberatsena. Ba Lizason jaunarekin maitemindu omen da eta berarekin omen doa Lizaso Grezia aldera. Lagunek aholkuak emango dizkiote.

Description

Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa

1985-04-27 Oñati Jaialdia [Bertsoa] / Joxe Agirre, Joxe Miel Iztueta "Lazkao Txiki", Imanol Lazkano, Joxe Lizaso

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 


J. Lizaso: Emakume polita
baitzan azaldua
ni egokitu naiz hor
enamoratua
egokitu nintzaion
haren gustokua
Euskadi agurtu ta
Grezira nijua.

Lazkano: Berriro uztarrian
nahi al huke lotu?
Sarritan esan diguk
" Ezin nauk berotu!"
ta orain biantxa horrek
kolpetik girotu
edo bestela hau're
diruak erotu.

J. Agirre: Neuk ere hoixe neukan
nik bururatua:
Lizaso diruatik
da inguratua
bizimodua dauka
aseguratua
baina ez da benetan
enamoratua.

Lazkao Txiki: Euskal Herria utzita
ez zaitezela jun!
Ez dakizu hor zer e-
torkizun daukazun
dakizu Onassisek zer
biaje eraman zun
amak aita bezela
ia hiltzen zaitun...

J. Lizaso: Alperrik (????) dabilen hau
nik hilko kolpian
trankil bizi nahi nuke
hiru-lau urtian
bertsolari lagunak
nei utzi pakian
oaingo krisisaldi hau
pasatu artian!

Lazkano: Beraz dantzatu nahi dek
diru konpasian
bainan umoretikan
beti eskasian
nahiz ta txanpona mardul
ibili grezian
hemengo giroik ez dek
gaur mundu guzian!

J. Agirre: Lizasok gauza hori
pentsatu behar zun
lagunan kontsejuak
hobe dezu entzun
jaioterri maitea
nola galtzen dezun
pentsatutze al dezu
zer ein behar dezun?

Lazkao-Txiki: Zure diruan bila
zuatza aizkenik
kariñoik ez dezula
seguro dakit nik
hor ez diguzu egin
oso trato onik:
diru hutsez ez dago
inun zorionik.

J. Lizaso: Nik neronek nekian
nolatan neguan:
miseriaz etxian
miseriz kanpuan
bizitzen asmatuko det
neronen kaikuan
babarik erosten bada
haren lapikuan!

Lazkano: Uste nun martxa hori
ez zula graziko
eta bide hoietan
ez zala hasiko
Grezira doa baina
denbora gutxiko
bertsorik kanta gabe
ez baitu etsiko.

J. Agirre: Hola ganbiatzeko
ez haiz mutikua!
Nahi dekana egin eingo'ek
hik nerekikua!
Gizonaren sasoia
ez duk betikua
laister sobratuko zaik
haren lapikua!

Lazkao Txiki: Diruduna dala-ta
ezkontzeko pozak
hark erakutsiko dik
bigote zorrotzak!
Inoiz kopeta beltzez
ipinitzen bazak
Euskadiko juergak
akordatuko zak!

J. Lizaso: Juerga egina naiz ni
nola-halakuak
bainan trapu hoiek ez dira
hola uztekuak
neretzat jartzen baditu
bankuko diruak
ni arreglatuko naiz
gero gerokuak!

Lazkano: Lagun esango dizut
xuabe-xuabe:
azkarra zera baina
deskuidau zerade
Grezian ein zintezke
milioi askon jabe
Oñatin hobe dezu
xentimorik gabe!

J. Agirre: Oraindaino bezela
zuzenari heldu
ta aberats zahar hori
Grezira bialdu!
Nahiz ta milioi askokin
zugana azaldu
diruagatik behintzat
Euskadi ez saldu!

Lazkao Txiki: Diruak engainatu
zaitu azkenian
ta zuregana zuzen
hain uste onian
zorrak jarriko ditu
zure izenian
gero azkar aldegin
aspertzen danian.

J. Lizaso: Hemen nola daukagun
gose miseria
hargatik laztandu det
ta egin zirria
nigan jartzen dunian
bere herentzia
diruz jantzi nahi nuke
Euskadi guzia.

Lazkano: Umorea badezu
nahiz ta izan pobre
hargatik meritua
dadukazu doble
aurrera izango zera
jator eta noble
dena gezurra da-ta
zeuretzako hobe!