Bertsos - View details To know more about this section
2007-10-20 Azkoitia Txapelketa [Bertsoa] / Jexux Mari Irazu Muñoa
2007-10-20 Azkoitia Txapelketa [Bertsoa] / Jexux Mari Irazu Muñoa
Stanza name:
Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Localization:
XDZ - Xenpelar Dokumentazio Zentroa
Neretzat ere herri maitea
nahiz eta minez doluz betea
ustekabean ia iritsi
zitzaidan errematea (bis)
bizkarretik atakea
zauritu goiko partea
heriotzaren atea
urte luzetan badakit zer dan
zinegotzi izatea
dena ez baina ni ere banaiz
herrian borondatea. (bis)
Anbulantzia iritsi di-da
ospitalera belaxe jira
baina buruan kezkarik ezin
inundikan erretira (bis)
Askatasunan desira
hola jeisten da erdira
horretarako zein dira?
Bizkarretikan ta estalita
horixe ote da mira
hutsa litzake saiatu balitz
begietara begira. (bis)
Neretzako zan une goibela
gertatua da dena honela
baina buruak bueltaka segi
ezin da gelditu bela (bis)
pentsa barrua detela
ni're pertsona naizela
elkarrekin goazela
elkar lagundu badakit nik'e
zapalduta zaudetela
ezin al leike elkar lagundu
elkar hiltzea bezela. (bis)