Bertsos - View details To know more about this section
2005-11-13 Gasteiz Txapelketa [Bertsoa] / Aitor Mendiluze
| Bertsoa entzun |
2005-11-13 Gasteiz Txapelketa [Bertsoa] / Aitor Mendiluze
Stanza name:
Neurri berezikoak
Localization:
XDZ - Xenpelar Dokumentazio Zentroa
Giza gaizto bat sentitu dedin
bere etxeko errege
emakume bat jipoitu zuen
errukirik izan gabe;
hil zuen eta bera izanik
halere haurraren jabe
haurtxo hau det parez pare
baina legeak nun daude?
Ama hil eta haurra bizi da
kalte edota mesede
ai txiki negar egiten dezu
egingo nuke neuk ere! (bis)
Bizitza hain da gogorra eta
bizitza hain da krudela
iruditzen zait honi begira
argi ikusiko dela.
Haurra nola eman guraso horri
atxilotu dezatela
gerta daiteke bestela
lehen gertatu den bezela.
Bai, bai badakit irrifar batez
umil-umil datorrela
baina berak ta nik badakigu
berriz egingo duela. (bis)
Konponbiderik ez det aurkitzen
nahiz eta legeei tira
derrigorrean haurra joango da
maite ez duten tokira.
Hil dela esan ta izkutatu
ahal izan banu sikira!
Aita lehiotik begira
irriparrezka ari da
kontzientziak ihes egin dit
neuregandik urrutira
hildako bakar bat izan arren
bi krimen izango dira. (bis)