Bertsos - View details To know more about this section
2006-08-26 Bilbo Jaialdia [Bertsoa] / Sebastian Lizaso, Jokin Uranga
| Bertsoa entzun |
2006-08-26 Bilbo Jaialdia [Bertsoa] / Sebastian Lizaso, Jokin Uranga
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
J. Uranga: Nesketan egitea
bakarrik nahi nuen
baina neretzat ezer
ez al dago hemen?
Adierazi zaidazu
berandu baino lehen
gure amarekin nola
ligatu zenuen. (bis)
S. Lizaso: Orduan ez zen izan
hainbat zeremoni
festatan bagenuen
nahi hainbat harmoni...
Bide hura hartzerik
ez zaizu komeni:
zure amatxok berak
ligatu nindun ni. (bis)
J. Uranga: Bilbon aldrebes gabiltz
gutxi gorabehera;
neskak ikusi ezkero
hor dago aukera;
bertsotan joaten naiz
beraien aurrera
ta erantzuten didate
"Yo no sé euskera". (bis)
S. Lizaso: Bilbon denetik dago
behar zenduke jakin;
utzi bertsoak eta
bide onari ekin.
Arazorik ez dadin
hor hizkuntzarekin
erreza dadukazu
kinuka hitz egin. (bis)
J. Uranga: Ulertu nahi ez dunai
zertako hitz egin?
Hizkuntza guztiekin
det gaur nik huts egin;
neska txoro hauekin
ezin da ezer egin...
Konformatu beharko det
Marijaiarekin. (bis)
S. Lizaso: Saiatu gehiagokin
akabo bestela!
Esaten dizut seme
esna zaitezela;
badakizu harremanak
puska daitezkeela...
Goxo-goxo igurtzi
basoak bezela. (bis)