Biographies - View details   To know more about this section

German Meabebasterretxea

Personal details

Name
Meabebasterretxea, German
Complet name and surname
Meabebasterretxea Arregi, German
Birth
1970 Elgoibar, Gipuzkoa

Bertsolarism

Jarduerei buruzko azalpenak
bertso-eskola sortzailea, bertso-eskolako eragilea (Elgoibar)
bertso-eskolako irakaslea (Elgoibar, Deba, Soraluze, Gasteiz, La Puebla de la Barka, Oion, Bastida, Kanpezu) (ikastaroak Deba, Elgoibar, Eibar)
bertsolaria / bertso-eskola sortzailea / bertso-eskolako irakaslea / bertso-eskolako eragilea
Ikerkuntza lan bat burutu zuen Udako Euskal Unibertsitatearen itzalean: "bertsolaritza eta jabetza intelektuala"

Biographical details

Biography
Elgoibarren hasi zituen ikasketak, Pedro Migel Urruzuno Ikastolan. Elgoibarko institutuan jarraitu zituen selektibitate froga gainditu bitartean. Zuzenbide ikasketak, Donostian burutu zituen 1993an. Bitarte horretan (1988-1993) Donostian bizi izan zen. Donostian zegoela, Hernani eta Tolosako bertso eskoletan antolatutako ikastaroan parte hartu zuen eta jende aurreko lehen saioak giro horretan egin zituen, 1989-90 urte inguruan. Deba bailarako herri eta auzo gehienetan kantatu du adin eta jatorri desberdinetako bertsolariekin. Elgoibar, Deba eta Soraluzeko bertso eskoletako irakasle izan da zenbait urtetan eta ikastaro bereziak eman ditu Deba, Elgoibar eta Eibarren. Arabako Ikastolen federazioak deituta, bi urtez Araba Errioxako ikastoletan bertsolaritza lantzen jardun zuen. Bertsozale Elkartean, Lankuren sorrera batzordean eta proiektuaren diseinu arduradun izan zen Jose Luis Urdangarinekin batera, eta hiru urtez Gipuzkoako Zuzendaritza Batzordeko ordezkari. Egun, Oñatiko udaletxean lan egiten du.

First steps in bertsolarism

Lehen plaza
Tolosan, 1989an, Tolosako bertso eskolak antolatutako saioen barruan, Jose Antonio Sasiain, Jesus Mari Irazu eta abarrekin
Elgoibarren, 1991n, lehen saio ofiziala kantulagun Lazkao Txiki eta Azpillaga zituela.