BDB Bertsolaritzaren datu-basea

Haurrek bat-batean egiteko sei karta-sortarekin osatutako bilduma. Karta-sorta bakoitza bat-bateko ariketa jakin bat lantzeko da, eta zailtasun mailaren arabera multzokatuta daude.

"Lehen puntua emanda" karta sortan puntuari erantzuteko, oinak emango zaizkigu laguntza gisa.

EGITEKOA
. Partaide batek puntua jarriko du eta besteak erantzun.
. Erantzun behar duenari, oinak ere emango zaizkio, behin puntua jarrita txartela eman egingo zaio, oinak ikus ditzan. Beste aukera bat da puntu jartzailea eta erantzungo duena parez pare jartzea eta txartela erdian, bakoitzak alde bat ikusten duela; batek puntua jarri bitartean, besteka txartelaren atzealdean oinak ikusiko ditu.

ZAILTASUN MAILAK
1. Puntua eta oin bat emanda. Aukerak: Kopletan galdera-erantzunetan aritzea.
2. Puntua eta 3 oin emanda.
Aukerak: Kopletan galdera-erantzunetan aritzea, oin zerrendatik nahi dena hautatuz. Zortziko txikian puntuari erantzutea. Puntuka egitea, binaka zein taldean.
3. Puntua eta 6 oin emanda.
Aukerak: Kopletan galdera-erantzunetan aritzea, oin zerrendatik nahi dena hautatuz. Bertsotan puntuari erantzutea (zortziko, hamarreko zein neurri luzeetan). Puntuka egitea, binaka zein taldean.

TEMATIKAK
. Kirola
. Zirkua
. Banu, balego eta balitz
. Munduan barrena
. Hiria
. Sendabelarrak
. Gaixorik
. Teknologia berriak
. Porrusalda