BDB Bertsolaritzaren datu-basea

Haurrek bat-batean egiteko sei karta-sortarekin osatutako bilduma. Karta-sorta bakoitza bat-bateko ariketa jakin bat lantzeko da, eta zailtasun mailaren arabera multzokatuta daude.

"Pasa hitza karta sortan aurkezleak puntua abestuko digu, hitz ezkutuaren pista emanez. Hitz hori zein den igarri beharko dugu. Erantzun zuzenak errimatu egiten du, lehen puntuaz!

• Batek puntua abestuko du, hitz ezkutuaren pistak emanez; besteek hitz ezkutu hori zein den igarri beharko dute.
• Lehenik, aukeratu kopla doinu egoki bat galdera-erantzunetan aritzeko.
• Ondoren, karta-sortatik hautatu A-tik Z-raino doan karta multzo bat (kolore bera dutenak). Ziurtatu ordena alfabetikoan daudela.
• Puntu jartzaileak aldiro multzotik karta bat hartuko du eta zein hizki den esango du, ozen; horixe da lehen pista, hizki horrekin hasten baita hitz ezkutua. Ondoren, kartan datorren puntua abestuko du. Adi errimari: hitz ezkutuak errimatu egiten baitu jarritako puntuarekin.
• Hitz ezkutua zein den igartzen duenak esan egingo du: hitz lauz edo puntua abestuz.
• Inork erantzun zuzena asmatzen ez badu, puntu jartzaileak esan egin dezake (kartan bertan baitu), eta hurrengo hizkira pasatuko da. Hala, kartaz karta A-tik Z-rainoko erronda osatuko du.