2016-12-17 Bilbo Txapelketa [Bertsoa] / Nerea Ibarzabal, Jone Uria Albizuri

Lankideak zarie. Jubiletako 3 urte falta jatzuez. Pentsiñoak ordaintzeko geroz eta diru gitxiago dagoela entzuten dozue behin eta barriro komunikabideetan. Arduratuta zagozie.

Descripción

Melodia

Nere gogoa hegan dijoa

Nombre de la estrofa

Zortziko handia (hg) / Lau puntuko handia (ip)

Bertso kopurua

Localización

Localización: XDZ - Xenpelar Dokumentazio Zentroa
Colección / Fondo / Proyecto: Txapelketetako Bilduma

2016-12-17 Bilbo Txapelketa [Bertsoa] / Nerea Ibarzabal, Jone Uria Albizuri

Nombre de la estrofa: Zortziko handia (hg) / Lau puntuko handia (ip)
Localización: XDZ - Xenpelar Dokumentazio Zentroa

N. Ibarzabal
Aspaldi hasi ginen lanean
ta ze emozio txute
ikasgeletan bihotza emanez
irribarre baten truke
eta pasata izerditan blai
lanean hainbeste urte
lepoan kolpe txiki batekin
eskertu behar digute.

J. Uria
Lepoan kolpe txiki bat eta
akabo ilusioa
pentsioekin azken boladan
ze nolako sesioa
aitor dezaten nik jakiteko
behintzat badut desioa
zertan gastatu duten zu eta
bion jubilazioa.

N. Ibarzabal
Gastatu dute tripontzi batzuk
nonbait angulak bazkaltzen
langile legez gure borroka
lehen baldintzena omen zen
ta zahartu ahala hasiko gara
pentsionistena batzen
itxura denez gure burruka
ez da sekula bukatzen.

J. Uria
Gure burruka ez da bukatzen
hori era seguruan
ta ni aditu nahiz ta ez naizen
ekonomia munduan
ederki dakit zergatik gauden
zu ta biok apuruan
matematikaz ez dakitenak
daudelako gobernuan.

N. Ibarzabal
Horretan behintzat zer lagundua
izango zenuke hara
lanean hain fin pasatu ostean
guk biok azken bolada
jubilazio triste-triste bat
eskaintzen digute jada
Benidormera busean ordez
oinez joan beharko gara.

J. Uria
Gure bidaiak ez du izango
nahiko genukeen nibela
eta hargatik izango dugu
biok kopeta goibela
baina lehendik borrokan ere
dugu esperientzi itzela
kalera irten beharko dugu
gazte garaian bezela.

BDB Bertsolaritzaren datu-basea

Bertsos - Ver ficha Más información sobre esta sección