BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (6. 1995)

Actuación

1995-12-03 Ordizia Txapelketa

Gai-emailea

Madariaga, Joxepa

Bertsolaris / Autores

Sorozabal, Jokin

Ejercicio

Bakarka gaia-emanda

Tema propuesto

Goierritarra zara. Zure etxe ondoan denda hiper handi bat ireki dute egundoko aukerak eskainiz. Zuretzat, hala ere, asteazkenetako Ordiziko azoka sakratua da. Hiru bertso nahi duzun neurri eta doinuan.

Descripción

Melodia

Maitasuna da bizi izateko

Nombre de la estrofa

Neurri luzekoak

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

1995-12-03 Ordizia Txapelketa [Bertsoa] / Jokin Sorozabal

Nombre de la estrofa:  Neurri luzekoak 
Localización:  XDZ - Xenpelar Dokumentazio Zentroa 

---

Guk erosketak egin ditugu
etxetikan gertuago,
orain kanpotik etorritako
jeneroaren esklabo.
Ta propaganda egiten dabil
hainbeste eslogan babo,
gerora eta gehiago,
gure azoka akabo.
Kanpo aldetik plastikozkoa
gero ta indartsuago,
baina hemengo perretxikorik
ta oilagorrik ez dago.

Nik azokari ikusten diot
hain etorkizun iluna,
saltzaileentzat goizeko seitan
hasten zen hemen eguna.
Baserritatik ekartzen zuten
baba edo babarruna,
ta hiper horren jarduna
ez zaigu horren kuttuna!
Horri boikota ta azoka da
salbatu behar duguna,
azken batean hau ere bada
Goierriren nortasuna.

Etxeko andreei egiten diet
beraz hemendik erregu,
baserritako saltzailetxoak
hartu ditzagun eredu;
bestela hemen urte gutxira
zeinen eskutan gaude gu?
Dena galdu dezakegu,
sortzen dit hainbat ernegu.
Ta ondorengo gazteei zerbait
utzi beharko diegu,
gure azoka salbatuz beraz,
denok irabazten degu.