Bertsos - Ver ficha Más información sobre esta sección
1989-02-25 Eskoriatza Sariketa [Bertsoa] / Danel Goikolea, Jon Iñaki Itzazelaia
| Bertsoa entzun |
1989-02-25 Eskoriatza Sariketa [Bertsoa] / Danel Goikolea, Jon Iñaki Itzazelaia
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Izarzelaia
Beti pentsatu izan dudanez
ni nagoela okerren,
alaitasunen alde hortatik
aurkitutzen nauzu herren,
pentsatutzen det bizi triste honek
betikoz gaur zer dakarren,
alper-alperrik barre guztiak
gogotik saiatu arren.
Goikolea
Bertso batzutan esango dizut
alai nola leiken bizi,
hortaz badakit ta Jon Iñaki
nereak enzuten hasi,
jakin behar da momentu txarrei
azkar egiten ihesi,
beti negarrez bizitzekotan
bizitzak ez du merezi.
Izarzelaia
Zuk ere pentsa ni naukazula
parreguraren aldeko,
biok iritzi berdintsua de(g)u
ta muturrik ez de(g)u joko,
saiatutzen naiz ni alaitutzen
hainbat txiste, hainbat joko,
baina tristuraz jantzitzen naiz ni
gaua iritsi orduko.
Goikolea
Gaua tristerik pasatzen dezu
eta tristerik eguna,
benetan oso arazo latza
zuk daukazuna laguna,
baina badakit zer dan gaurkoan
Jon lñakik behar duna,
aurre-aurretik ikusten diot
andregai baten hutsuna.
Izarzelaia
Ez zazu pentsa nik daukadanik
andregaiaren afana,
beti izan dut hasieratik
pozik bizitzeko plana,
bion artean ni alaitutzen
badaduagu guk lana,
bion artean egingo degu
bakarrik ezin dedana.
Goikolea
Ni beti alai ibilitzen naiz
da zu triste egunero,
era horretan jarri gaitezke
biok burutikan ero,
baina akordio bat heltzea nik
oraindik badet espero,
umorez bardin jarri gaitezke
batera ibili ezkero.